Noticias archivos - Páxina 4 de 4 - Concello de Ponte Caldelas

Concurso de Redacción Festa da Troita

2 de Marzo de 2023

**BASES CERTAME DE REDACCIÓN LV FESTA DA TROITA**

**PRIMEIRA.- Poderán concorrer ó concurso tódolos autores e autoras con idades comprendidas de acordo a seguinte categoría: Entre os 9 e os 11 anos ámbalas inclusive.**
SEGUNDA.- As redaccións terán unha extensión mínima dun folio (a unha soa cara) e máxima de dous. O contido a desenrolar será, obrigatoriamente, sobre sobre algún tema relacionado con Ponte Caldelas: tradicións, festas, lendas, paisaxes, contos, … así como sobre o concepto de sostenibilidade, actividades sostibles, etc. Poderanse presentar escritos a man (letra lexible) ou ben a ordenador ou máquina. O prazo de entrega da redaccións comeza o vindeiro 1 de marzo e remata o 31 de marzo.
TERCEIRA.- Os traballos entregaranse na Oficina de Información Xuvenil do Concello de Ponte Caldelas (Centro Cultural) ou ben ó mestre/a que funcione como responsable no CEIP A Reigosa ou no CEIP Manuel Cordo Boullosa.
**CUARTA.- Establécese un primeiro premio para cada centro escolar ( CEIP Manuel Cordo Boullosa e CEIP A Reigosa) consistente en: agasallo conmemorativo e unha tablet (por un valor estimado de 200€).**
**QUINTA.- O Xurado estará formado polo mestre responsable no CEIP Manuel Cordo Boullosa, o seu homólogo no CEIP A Reigosa e un representante do Concello de Ponte Caldelas.**
**SEXTA.- Os premios entregaranse nun acto oficial a celebrar en cada centro educativo.**
**SÉPTIMA.- A participación nesta convocatoria implica a aceptación das normas contidas nas presentes bases, así como a decisión do Xurado que será inapelable.**
**OITAVA.- As presentes bases serán publicadas no Boletín Oficial da Provincia de Pontevedra.**

A Deputación de Pontevedra concede unha axuda de 17.388,91 euros ó Concello de Ponte Caldelas para a ampliación da rede de abastecemento en Caldelas

30 de Xaneiro de 2023

Chega o calendario máis fermoso: o do Concello de Ponte Caldelas

21 de Decembro de 2022

O Concello de Ponte Caldelas xa comezou o reparto do calendario 2023, o almanaque máis agardado polo veciños do municipio que se reparte porta a porta e é totalmente gratuito. Un ano máis está composto por imaxes do municipio e, seguindo a estética do ano pasado, o almanaque é a toda cor e incorpora refráns en cada un dos doce meses do ano. Como novidade incorpora un apartado de ‘Notas’. 

“Queremos que o 2023 veña cargado de enerxía, de positividade e de moita cor. Vai gustar moito porque ver o noso patrimonio e os lugares emblemáticos do concello dende o aire é espectacular”, asegura o alcalde de Ponte Caldelas, Andrés Díaz, que lembra que neste calendario se incorporan todas as feiras de Ponte Caldelas, as festas de cada un dos lugares do municipio e tamén os eventos que se organizan a nivel municipal.

O calendario entregarase porta a porta en todas as vivendas do concello e tamén se distribuirá nos comercios e locais de hostalería da vila. No Consistorio haberá tamén exemplares para que poidan recoller aquelas persoas que desexen facerse cun almanaque que, un ano máis, logra aunar a esencia de Ponte Caldelas nos doce meses do ano.

O almanaque recibiu unha subvención 2.080,36 euros da Deputación de Pontevedra, dentro da convocatoria do ano 2022, para a dinamización da lingua galega

Nesta ocasión, protagonizan o calendario
xaneiro: Capela de San Vicente – Parada
febreiro: Igrexa da Inmacula Concepción – Silvoso
marzo: Palco da Música – Vilarchán
abril: Vista área – Gradín
maio: Capela de San Xoan – Laxoso
xuño: Ponte sobre o Río Verdugo – Ponte Caldelas
xullo: Igrexa de San Fiz – Forzáns
agosto: Capela de San Miguel – Contixe
setembro: Capela do Casteliño – Ponte Caldelas
outubro: Pedra do Cervo – Cuñas
novembro: Danza Celta na Igrexa de San Andrés – Anceu
decembro: Proxecto da Estación Termal de Ponte Caldelas

1º CONCURSO PORTAS DE NADAL 2022 PONTE CALDELAS

23 de Novembro de 2022

O Concello de Ponte Caldelas convoca o primeiro concurso de Portas de Nadal en Ponte Caldelas

BASES:

1.- PARTICIPANTES: Poderán participar as portas de vivendas existentes no termo municipal de Ponte Caldelas. Os/as solicitantes deberán de figurar como alta no Padrón Municipal de Habitantes.

2.- PRAZO DE EXPOSICIÓN: O prazo de exposición das portas participantes será o comprendido entre o 24/12/2022 e o 06/01/2023.

3.- PRAZO E FORMA DE SOLICITUDE: O prazo de envío das fotografías das portas participantes rematará o 30/12/2022, ás 14.00 horas. Para participar deberán de enviar a fotografía ó email portasdenadal@pontecaldelas.gal . Deberá de vir acompañada dos datos do/a participante (nome, apelidos, DNI, domicilio no concello, teléfono). Unha vez recibida a fotografía e comprobados os datos seralle enviado un correo de confirmación de participación no Concurso.

4.- TEMA: O tema para desenvolver será alegórico ao Nadal. Descartaranse aquelas imaxes que resulten ofensivas, abusivas.. ou que teñan contido publicitario.

5.- PREMIOS: establécense os seguintes premios:

1º premio: Cesta de produtos gourmet por valor de 250 €

2º premio: Cesta de produtos gourmet por valor de 200 €

3º premio: Cesta de produtos gourmet por valor de 150 €

6.- SISTEMA DE SELECCIÓN: As imaxes recibidas subiranse ó Facebook de Alcaldía o 30/12/2022 e competirán entre si por un “ME GUSTA” que reflectirá os/as gañadores do Concurso. O período de votación abranguerá ata o 02/01/2023 ás 14:00 horas. En caso de empate entre dúas ou máis fotografías procederase a desempatar mediante sorteo.

7.- ENTREGA DE PREMIOS: os premios serán entregados nos domicilios premiados facéndose unha foto do acto que será publicado nas redes sociais de Alcaldía, medios de comunicación, etc.
8.- A participación neste concurso supón a aceptación total das presentes bases, así como as decisións tomadas por parte do Concello de Ponte Caldelas, podendo quedar excluído todo aquel participante que as incumpra.

9.- A participación no Concurso exime de toda responsabilidade á organización a cargo do Concello de Ponte Caldelas así como de calquera tipo de indemnización que poida considerarse por motivo da suspensión ou calquera outra circunstancia relacionada co Concurso.

10.- O Concello de Ponte Caldelas resérvase o dereito de interpretación das presentes Bases.

A DEPUTACIÓN DE PONTEVEDRA SUBVENCIONOU A CONTRATACIÓN DE 10 TRABALLADORES/AS, Ó ABEIRO DA LIÑA 3 DO PLAN CONCELLOS 2022

23 de Novembro de 2022

A Deputación de Pontevedra concedeu subvención de 127.065,60 € para a colaborar no financiamento da contratación de 10 persoas desempregadas para a realización dos seguintes servizos:

a) Contratación de 4 traballadores para Desbroce e Mantemento de Espazos Públicos durante 6 mes cunha xornada de 37,5 horas semanais

a) Contratación de 4 traballadores para Reparación e Mantemento de Infraestructuras Municipais durante 6 mes cunha xornada de 37,5 horas semanais

a) Contratación de 2 traballadores para Limpeza Viaria e doutros Espazos Públicos durante 6 mes cunha xornada de 37,5 horas semanais

De principios do século XX. Cruz de sección cadrada. Dende a parte en onde se observa a Ría de Vigo apreciánse uns ferros que parecen ter sostido algo noutros tempos. Na parte onde se divisa o val do río Verdugo aparece una inscrición.

10 de Novembro de 2022

O Concello de Ponte Caldelas realizou ó longo do ano 2022 accións de prevención e defensa contra incendios forestais cofinanciadas parcialmente co Fondo Europeo Agrícola de Desenvolvemento rural, no marco do programa de desenvolvemento rural (PDR) de Galicia 2014-2020.

Neste caso realizouse a roza de 20 hectárea mediante tratamentos preventivos de xeito mecanizado , reicibindo o Concello de Ponte Caldelas unha axuda de 5.000 euros.

Con cargo a este convenio realizaronse os seguintes traballo de roza:

1.- Parroquia de Barbudo

Localización 1: Estrada Barbudo-Embalse Eiras

Localización 2: Estrada Barbudo-Chain

Localización 3: Entorno Igrexa

2.- Parroquia de Xustáns

Localización 1: Cristo Rei

Localización 3: Campo de fútbol

Localización 4: Campo de fútbol

3.- Parroquia de Anceu

Localización 3: Estrada Anceu-Barbudo

4.- Parroquia de Caritel

Localización 2: Campo da Festa

Localización 3: Entorno Igrexa

Localización 4: Entorno Cimiterio

Localización 5: Estrada A Fraga

Localización 6: Estrada Pazos-Caritel

5.- Parroquia de A Insua

Localización 1: Area Recreativa

Localización 3: Campo da Festa

6.- Parroquia de Caldelas

Localización 1: Estrada Portasouto

Localización 2: Estrada Verdugo 1

Localización 3: Estrada Verdugo 2

7.- Parroquia de Taboadelo

Localización 1: Estrada Taboadelo – Xustáns

Localización 2: Estrada San Vicente-Santa Ana-Tourón

8.- Área Arqueolóxica de Touron

Localización 1: Zona de Petroglifos

Ponte Caldelas humanizará a Avenida de Galicia grazas ós Fondos FEDER

20 de Setembro de 2020

O Concello de Ponte Caldelas levará a cabo unha intervención na Avenida de Galicia, creando unha vía de sentido único con calmado de tráfico cunha ‘zona noble’ empedrada diante do edificio consistorial e do templo, colocando mobiliario urbano, beirarrúas de pedra e creando tamén zonas verdes e espazo de estacionamento en batería, co que se ampliarán o número de prazas. O custe do proxecto son 431.233,33 euros, a subvención concedida polos Fondos FEDER da Unión Europea é de 344.986,66 euros.

As axudas recibidas enmárcanse na “Convocatoria de Ayudas a Entidades Locales para proyectos singulares de entidades locales que favorezcan el paso a una economía baja en carbono en el marco del programa operativo FEDER de crecimiento sostenible 2014-2020 (Real Decreto 316/2019, por el que se modifica el Real Decreto 616/2017, de 16 de junio)”, sendo outorgadas polo Instituto para la Diversificación y Ahorro de la Energía (IDAE), entidade adscrita ao Ministerio para a Transición Ecolóxica e o Reto Demográfico.