Agader subvencionacon 52.088 euros a mellora do camiño municipal de acceso a Regodobargo

A Xunta de Galicia, a través da Dirección Xeral da Axencia Galega de Desenvolvemento Rural (AGADER), concedeu ao Concello de Ponte Caldelas unha axuda de 52.088 euros para a mellora de camiños municipais no municipio ao abeiro do Plan Camiña Rural 2025-26, dos cales 25.376,19 son a cargo da anualidade 2025 e 26.711,81 euros (Obra civil : 25.514,92 euros e Control de calidade: 1.196,89 €) corresponden á anualidade de 2026. O proxecto finánciase a través de Fondos da Unión Europea:  Fondo Europeo Agrícola de Desarrollo Rural (FEADER) 

O Plan Marco da Axencia Galega de Desenvolvemento Rural da Xunta de Galicia ofrece aos concellos rurais fondos para soster as súas infraestruturas viarias e mellorar a mobilidade nas aldeas e parroquias facilitando as labores agrogandeiras.

A Deputación de Pontevedra aporta 10.938,48 euros para as obras de mellora do firme do camiño de Regodobargo

A Deputación de Pontevedra concedeu ao Concello de Ponte Caldelas unha subvención de 10.938,48 euros para as Obras de Mellora do firme do camiño de Regodobargo (Ponte Caldelas), ao abeiro dos remanentes da Liña 1 do Plan de obras e servizos (Plan + provincia) 2024.

AVISO CONCELLO DE PONTE CALDELAS

A Deputación de Pontevedra aporta 20.183,11 euros para a mellora da eficiencia enerxética da Casa da Cultura de Ponte Caldelas

A Deputación de Pontevedra concedeu ao concello de Ponte Caldelas unha subvención, ao
abeiro do Plan + Provincia 2024, por reinvestimento de baixa por importe de
20.183,11 euros co obxecto do financiamento do investimento “MELLORA DA
EFICIENCIA ENERXÉTICA DA CASA DA CULTURA DE PONTE CALDELAS” cuxo orzamento total ascende a 160.672,93 euros.

Ponte Caldelas recibe unha subvención de 3.300 euros para renovar o equipamento da Biblioteca Pública Municipal de Ponte Caldelas

A axuda da Consellería de Cultura, Lingua e Xuventude está destinada á adquisición de equipamento e mellora das instalacións e locais utilizados para a realización de actividades culturais

O Concello de Ponte Caldelas realiza unha inversión de 6.767,53 euros na Biblioteca Municipal de Ponte Caldelas con cargo á subvenión para o equipamento e mellora das instalacións e locais utilizados para
a realización de actividades culturais, na convocatoria para o ano 2025, da Consellería de Cultura, Lingua e Xuventude da Xunta de Galicia

A administración autonómica aporta 3.300 para renovar o equipamento da Biblioteca, que neste ano 2025 contempla novos armarios, cadeiras infantís, percheiros, papeleiras e unha mesa para ordenador portátil. A achega de fondos propios por parte do Concello ascende a 3.467,53 euros.

Convenio entre Medio Rural e o Concello de Ponte Caldelas para accións de prevención e defensa contra os incendios forestais

A Consellería do Medio Rural e o Concello de Ponte Caldelas asinaron un convenio para a realización de accións de prevención e defensa contra os incendios forestais durante os anos 2025-2026, cofinanciado parcialmente co Feader no marco do PEPAC 2023-2027
O orzamento total ascende a 16.100 euros, dos que 12.880 euros apórtanse a través da axuda pública.
A través deste convenio, o Concello de Ponte Caldelas realiza traballos preventivos a través da roza mecanizada de 23 hectáreas co obxectivo de realizar unha correcta prevención dos incendios forestais.

O rural dinamízase con A Cova das Letras e o seu espectáculo Pepa A Loba

• A actividade foi obxecto dunha subvención de Dinaminación da Lingua Galega da Deputación de Pontevedra recibindo un importe de 2.800,53 euros

O Concello de Ponte Caldelas puxo en marcha durante o mes de setembro unha nova edición do programa «A Hora dos Nenos», unha actividade lúdico-educativa interxeracional que pretende dinamizar o rural do concello e que comezou a súa andadura no ano 2020.

Este ano, a actividade contou cunha subvención de 2.800,53 euros da Deputación de Pontevedra dentro da convocatoria do ano 2025 das subvencións de Dinaminación da Lingua Galega.

Nesta ocasión, a famosa bandoleira Pepa a Loba, interpretada por Cris Collazo de A Cova das Letras, realizou dez sesións nos lugares de Silvoso, Caritel, Laxoso, Tourón, Taboadelo, Xustáns, A Reigosa, Vilarchán, Chaín e Ponte Caldelas.

Festa das Dores en Ponte Caldelas

Vén e vive as Festas das Dores de Ponte Caldelas!!
🟧 Venres 29 de agosto:
23.00 h. Caldelas Xoven’: FESTIVAL VERBENA FM con Dj Marcos Magán, Dj Casanova, Dj Rokiño

🟥 Sábado 30 de agosto:
13.30 h. Banda de Música de Mondariz
20.00 h. Procesión das Dores
20.30 h. Festival Folclórico
23.00 h Olympus e Magos

🟩 Domingo 31 de agosto:
13.30 h. Banda de Música de Tenorio
21.00 h. Luar na Lubre
23.00 h. Marbella

🟪 Luns 1 de setembro:
13.30 h. Banda de Música Cultural de Arcade
20.30 h. Festival Son de Ponte Caldelas
23.00 h. Los Coleguitas e DJ Aitor Alfonsín

🟨 Martes 2 de setembro:
13.30 h. Banda de Música de Redondela
20.30 h. Procesión de San Roque co acompañamento da Banda de Gaitas Os Coribantes de Ponte Caldelas, Banda de Guerra e Escuadra de Gastadores da Brilat
23.00 h. e ata as 08.00 h El Combo Dominicano, Triunfo e Los Españoles

Luar na Lubre, concerto do +Música en Ponte Caldelas o domingo 31 de agosto ás 21.00 h

A Alameda de Ponte Caldelas acolle o domingo 31 de agosto ás 21.00 horas o concerto de Luar na Lubre, enmarcado no programa +Música da Deputación de Pontevedra. O concerto forma parte da programación da Festa das Dores de Ponte Caldelas que se extende dende o venres 29 de agosto ao martes 2 de setembro

Nos seus 38 anos de andaina musical, Luar na Lubre vendeu máis de 350.000 exemplares e recibiu dous Discos de Ouro, 9 Premios da Música e outros recoñecementos tanto dentro como fóra de Galicia. A formación ofreceu máis de 2.000 concertos en máis de 40 países, onde participou en festivais destacados onde actuou xunto a artistas internacionais como Mike Oldfield, The Waterboys, The Corrs ou Bob Geldof. Actualmente é considerado un dos grupos máis destacados do folk galego e presentará no escenario de Poio as cancións do seu novo traballo «Luar Na Lubre XX. Encrucillada», unha recompilación dalgúns dos temas máis emblemáticos do seu amplo repertorio.

Museo Encantado chega a Ponte Caldelas da man do programa +Escénicas da Deputación de Pontevedra

O Museo Encantado chega a Ponte Caldelas o sábado 16 de agosto da man do programa +Escénicas da Deputación de Pontevedra
É un novo concepto de espectáculo de proximidade. Unha instalación participativa que o público pode percorrer e gozar dun xeito diferente.
Esta instalación está composta por catro micro-espectáculos de maxia completamente diferentes en ritmo, estética e concepto máxico.
– Unha caseta onde un autómata preparado para ler o futuro sorprenderá con incribles xogos de maxia.
– Unha cabina de teléfono londiniense , na que a audiencia vivirá e sentirá a maxia a través dun vello teléfono.
– Un fotomatón que permite experimentar a maxia tecnolóxica do século XXI, viaxando polo mundo e facendo maxia interactiva a través dunha pantalla.
– Un antigo confesionario de igrexa, onde nada é o que parece e non está quen debese, a quen lle regalarei unha confesión que nunca pensamos que fariamos.

Entre cada instalación máxica poderemos gozar de pequenas pezas ou ilusións de maxia que nos transportarán ou darán a clave para seguir gozando do momento. Guiará o noso camiño un curioso comisario da exposición, a alma que xuntou todos estes encantos para o noso deleite.