A Deputación de Pontevedra, a través da Liña 2- Pagamento de Débedas a Acreedores- do Plan de Obras e Servizos (Plan Máis Provincia) concedeu ao Concello de Ponte Caldelas cunha subvención, por importe de 53.831,95 euros para o pagamento das facturas dos meses de xullo e agosto de 2023 do servizo de Recollida, transporte e xestión de residuos sólidos urbáns e xestión do Punto Limpo, cuxo importe ascende as 72.819,86 euros.
A Deputación de Pontevedra concedeu unha subvención de 129.793,79 euros para colaborar no financiamento da contratación de 10 persoas desempregadas para a realización dos seguintes servizos:
BASES DO CONCURSO DE ENTROIDO DE PONTE CALDELAS 2024
PRIMEIRA.– O DESFILE DO CONCURSO DE ENTROIDO 2024 celebrarase o venres 16 de febreiro de 2024, ás 20:30 horas. A concentración dos participantes será a partir das 19:00 horas nas Rúas México- Brasil. O recorrido a levar a cabo será o seguinte: saída da Rúa Brasil xirando a esquerda para incorporarse a Avda de Pontevedra, continuando pola Rúa da Ponte, xirando cara a Rúa Emigrante (antes da ponte), continuando pola Rúa Marín, Praza de España e finalizando na Alameda de Ponte Caldelas. A reunión do Xurado e a entrega de premios levarase a cabo a continuación no Centro Cultural da vila.
SEGUNDA.- Poderán participar tódolos que se inscriban nunha das seguintes categorías:
Comparsas.- terán como mínimo 25 participantes e poderán ir acompañadas de carroza, xulgándose nesta categoría que a música sexa en directo realizada con instrumentos musicais e interpretarán as súas composicións e pasarrúas de Entroido. Terán que gardar unha unidade temática tanto no seu vestiario como na súa actuación. Dentro da categoría de comparsas ábrese un apartado especial para as compostas por nenos/as na súa totalidade (aínda que poidan estar acompañados por pais/nais) e concursarán dentro da categoría de Comparsas infantís.
Grupos.- terán como mínimo 10 participantes e poderán ir acompañados de carroza. Terán que gardar unha unidade temática.
Individual/Parellas.- valorarase a aqueles disfraces que se presenten de maneira individual ou parellas.
TERCEIRA.- Inscricións: as solicitudes de inscrición presentaranse no Rexistro Xeral do Concello de Ponte Caldelas (en horario de 9 a 14:00 horas) en impreso normalizado facilitado a tal efecto; ou a través da sede electrónica do Concello de Ponte Caldelas: pontecaldelas.sedelectronica.es, con data límite de mércores 14 de febreiro de 2024 as 14:00h. No momento de formalizar a inscrición farase constar:
• Nome da comparsa/grupo • Número de persoas membros que a compoñen. • Tarxeta de identificación Fiscal no caso de ser unha asociación constituída. • Nome, apelidos, fotocopia do DNI, dirección e teléfono da persoa representante (de non ser unha asociación constituída). • Nome, fotocopia do CIF, dirección e teléfono, en caso de ser unha asociación legalmente constituída. A organización resérvase o dereito de decretar o peche admisión de solicitudesantes desta data no caso de que a cantidade das mesmas sexa superior á capacidade máxima admisible polas características do recorrido. En caso de suspensión da celebración do Desfile, e no suposto de que se leve a cabo un traslado de data o novo prazo de inscrición abranguerá ata as 14:00 horas do último día hábil anterior non sábado á nova data de celebración, manténdose o mesmo procedemento de solicitude. CUARTA.- Xurado: o Xurado estará composto polos seguintes membros:
Presidente: D. Enrique Vidal Tellado, Concelleiro do Concello de Ponte Caldelas ou persoa en quen delegue.
Secretario: Dna. María Martín Regueira, Dinamizadora Cultural do Concello de Ponte Caldelas ou persoa en quen delegue.
Vogais: cinco persoas elixidas entre o público asistente ó desfile e persoal colaborador coa organización. Á hora de conceder os premios valoraranse aspectos como a orixinalidade, vestiario, calidade musical, capacidade de representación, … así como o desenfado e ánimo de Entroido ó longo de todo o percorrido. As decisións do Xurado son inapelables e se o considera oportuno pode deixar algún premio deserto tendo en ambos casos liberdade de criterio.
QUINTA.- Premios: establécense os seguintes.-
PREMIOS POR DESFILE.- Valoraranse diferentes aspectos como a a orixinalidade, vestiario, calidade musical, coreografía, e desenfado e ánimo de Entroido ó longo de todo o percorrido. Participarán neste premio todos os inscritos en cada unha das categorías e cos importes que se recollen a continuación
PREMIOS POR PARTICIPACION: Establecerase un Premio pola participación/ asistencia no desfile dentro das seguintes categorías: – Categoría 1: Comparsas : 600€ – Categoría 2: Grupos de 50 a 80 compoñentes: 300€ – Categoría 3: Grupos de máis de 80 compoñentes: 500€.
Unha vez finalizado o desfile, para que o premio poida facerse efectivo, é necesario que a persoa representante da comparsa/ grupo presente no Concello unha fotocopia do CIF, e un certificado da conta bancaria , así como a fotocopia do DNI. No caso de comparsas non constituídas como asociación cultural presentarán os seguintes datos: nome da persoa representante autorizándose a si mesmo ao cobro do premio, sinatura, nome, no de conta bancaria, así como DNI e sinatura de todas as persoas que compoñen as comparsas autorizando a persoa representante a devandito cobro. Toda compensación está suxeita ás retencións fixadas pola lei.
Os premios serán pagados mediante transferencia do Concello de Ponte Caldelas previa solicitude de pagamento asinada polo premiado ou representante da comparsa ou grupo.
A percepción dos importes correspondentes estará suxeita ás retencións e impostos contemplados na lexislación vixente.
SEXTA.- Desfile: a orde de desfile será asignada pola organización do evento e comunicada ós participantes no momento de chegada á concentración. Da mesma maneira, o persoal da organización e o xurado do concurso quedan facultados para excluír do desfile ou cambiar o seu posto na orde a calquera elemento das comparsas que se considere perigoso co obxecto de garantir a seguridade dos demais participantes e do público asistente antes, durante e ó final do evento. Queda prohibido a utilización de elementos como pirotecnia, lume,… ou calquera outro material ou elemento do desfile que incida na seguridade dos participantes ou do público. A organización reservase o dereito de poder modificar o recorrido por causas debidamente xustificadas.
SÉTIMA.- O Presidente do Xurado queda facultado para resolver as posibles eventualidades ou controversias que poidan xurdir e non previstas nestas bases.
OITAVA.- O Presidente do Xurado resérvase a facultade de suspensión do desfile por causas debidamente motivadas sen que de lugar a ningún tipo de indemnización por parte dos participantes.
NOVENA.- A participación no concurso exime á organización de calquera responsabilidade relativa ós danos que as persoas, vehículos e calquera outro elemento que se empregue no mesmo poida sufrir ou ocasionar durante a celebración do mesmo. DÉCIMA.- A participación no concurso supón a aceptación de todas e cada unha das bases UNDÉCIMA.- As presentes BASES serán expostas no taboleiro de anuncios do Concello de Ponte Caldelas, na sede electrónica municipal e publicadas no Boletín Oficial da Provincia.
A publicación foi obxecto dunha subvención de Dinamización Sociolingüística para a dinamización da lingua galega da Deputación de Pontevedra, recibindo un importe de 3.267 euros (70%)
O Concello de Ponte Caldelas editou, novamente, para o ano 2024 un calendario que se reparte porta a porta e é totalmente gratuito. Un ano máis está composto por imaxes do municipio e, seguindo a estética do ano pasado, o almanaque é a toda cor e incorpora refráns en cada un dos doce meses do ano. O almanaque recibiu unha subvención 3.267 euros da Deputación de Pontevedra, dentro da convocatoria do ano 2023, para a dinamización da lingua galega
O calendario permite contemplar o patrimonio e os lugares emblemáticos do concello dende o aire e incorpora tamén todas as feiras de Ponte Caldelas, as festas de cada un dos lugares do municipio e os eventos que se organizan a nivel municipal.
O calendario entrégase porta a porta en todas as vivendas do concello e tamén se distribuirá nos comercios e locais de hostalería da vila. No Consistorio haberá tamén exemplares para que poidan recoller aquelas persoas que desexen facerse cun almanaque que, un ano máis, logra aunar a esencia de Ponte Caldelas nos doce meses do ano.
A Deputación de Pontevedra concedeu ao Concello de Ponte Caldelas unha subvención de 15.137,10 euros para a redacción do proxecto de recuperación peonil dos espazos entre as prazas de España e Frei Antonio Orge.
A través do Plan Ágora, a Deputación outorgoulle ao Concello unha axuda a través do Eixe 1 (redacción de proxectos). A redacción do proxecto de recuperación peonil dos espazos entre as prazas de España e Frei Antonio Orge custou 16.819 euros, dos que a Deputación de Pontevedra subvencionou 15.137,10 euros, o 90% do custo do proxecto, e o Concello de Ponte Caldelas asumiu 1.681,90 euros.
1.- PARTICIPANTES: Poderán participar as portas de vivendas existentes no termo municipal de Ponte Caldelas. Os/as solicitantes deberán de figurar como alta no Padrón Municipal de Habitantes.
2.- PRAZO DE EXPOSICIÓN: O prazo de exposición das portas participantes será o comprendido entre o 24/12/2023 e o 06/01/2024.
3.- PRAZO E FORMA DE SOLICITUDE: O prazo de envío das fotografías das portas participantes rematará o 29/12/2023, ás 14.00 horas. Para participar deberán de enviar a fotografía ó email portasdenadal@pontecaldelas.gal . Deberá de vir acompañada dos datos do/a participante (nome, apelidos, DNI, domicilio no concello, teléfono). Unha vez recibida a fotografía e comprobados os datos seralle enviado un correo de confirmación de participación no Concurso.
4.- TEMA: O tema para desenvolver será alegórico ao Nadal. Descartaranse aquelas imaxes que resulten ofensivas, abusivas… ou que teñan contido publicitario.
5.- PREMIOS: establécense os seguintes premios: 1º premio: Cesta de produtos gourmet por valor de 250 2º premio: Cesta de produtos gourmet por valor de 200 € 3º premio: Cesta de produtos gourmet por valor de 150 €
6.- SISTEMA DE SELECCIÓN: As imaxes recibidas subiranse ó Facebook de Alcaldía e a ’Turismo Ponte Caldelas’ o 29/12/2023 e competirán entre si por un “ME GUSTA” que reflectirá os/as gañadores do Concurso. O período de votación abranguerá ata o 02/01/2024 ás 14:00 horas. En caso de empate entre dúas ou máis fotografías procederase a desempatar mediante sorteo.
7.- ENTREGA DE PREMIOS: os premios serán entregados nos domicilios premiados facéndose unha foto do acto que será publicado nas redes sociais de Alcaldía, Turismo Ponte Caldelas, medios de comunicación, etc. 8.- A participación neste concurso supón a aceptación total das presentes bases, así como as decisións tomadas por parte do Concello de Ponte Caldelas, podendo quedar excluído todo aquel participante que as incumpra.
9.- A participación no Concurso exime de toda responsabilidade á organización a cargo do Concello de Ponte Caldelas así como de calquera tipo de indemnización que poida considerarse por motivo da suspensión ou calquera outra circunstancia relacionada co Concurso.
10.- O Concello de Ponte Caldelas resérvase o dereito de interpretación das presentes Bases.
A Deputación de Pontevedra, a través da Liña 2 do Plan Concellos – Gasto Corrente derivado da prestación de servizos municipais do Plan Concellos 2023, colaborou co Concello de Ponte Caldelas cunha subvención, por importe de 55.898,44 euros para a Recollida, transporte e xestíón de residuos sólidos urbáns e xestión do Punto Limpo. Empregouse para o pago das facturas correspondentes aos meses de maio e xuño de 2023 do Contrato de recollida, transporte e xestión de residuos sólidos urbanos e xestión do punto limpo municipal, cuxa cifra ascende a 67.011,86 euros.
A Deputación de Pontevedra, a través da Liña 2 do Plan Concellos 2023, colaborou co Concello de Ponte Caldelas na sesión vermú do mes de agosto e a Festa das Dores 2023. A colaboración foi ao abeiro da Liña 2 do Plan Concellos 2023. A Deputación de Pontevedra concedeu ao Concello de Ponte Caldelas unha subvención de 55.898,44 euros dos que o Concello de Ponte Caldelas investiu un total de 55,898,44 euros, repartidos na actuación de catro bandas de música e as actuacións das orquestras na verbena da Festa das Dores.
O Concello de Ponte Caldelas realizou traballos de prevención de incendios en 25,74 hectáreas de vías, camiños e outras superficies forestais de titularidade municipal.
Co fin de cumprir co establecido no Convenio Interadministrativo entre a Consellaría do Medio Rural o Concello de Ponte Caldelas realizou accións de prevención e defensa contra os incendios forestais durante o ano 2023, cofinanciado parcialmente co Fondo Europeo Agrícola de Desenvolvemento Rural (FEADER) no marco do programa de desenvolvemento rural (PDR) de Galicia 2014‐2020. Así cúmprese co convenio asinado o 25 de maio de 2023, no que o Concello de Ponte Caldelas se comprometeu a realizar actuacións de tratamentos preventivos de xeito mecanizado mediante a xestión da biomasa vexetal co fin de diminuír a carga de combustible e crear descontinuidades horizontais e verticais para conseguir modelos de combustibles nos que o lume, en caso de producirse, avance con máis lentitude e facilite a intervención dos medios de defensa.
A continuación, enumeranse as actuacións que se levaran a cabo en vías e camiños forestais, áreas cortalumes e faixas de xestión da biomasa mediante roza, rareo e eliminación de restos.
